ძალაში შესვლის თარიღი: 1 ივლისი, 2026
ბოლო განახლება: 1 ივლისი, 2026

1. ჩვენი ვალდებულება
სიბრაზის მართვის პროგრამა („ჩვენ“, „ჩვენს“ ან „ჩვენი“) ვალდებულია დაიცვას მისთვის მინდობილი პერსონალური ინფორმაციის კონფიდენციალურობა, უსაფრთხოება და პირადი ცხოვრების ხელშეუხებლობა.

წინამდებარე კონფიდენციალურობის პოლიტიკა განმარტავს, როგორ ვაგროვებთ, ვიყენებთ, ვამუშავებთ, ვამჟღავნებთ, ვინახავთ და ვიცავთ თქვენს პერსონალურ ინფორმაციას, როდესაც სტუმრობთ ჩვენს ვებგვერდს, გვიკავშირდებით ან მონაწილეობთ სიბრაზის მართვის პროგრამაში.

ჩვენ ვაგროვებთ მხოლოდ იმ პერსონალურ ინფორმაციას, რომელიც აუცილებელია ჩვენი მომსახურების გასაწევად, და ვამუშავებთ მას კვებეკის კერძო სექტორში პერსონალური ინფორმაციის დაცვის შესახებ კანონის (Act Respecting the Protection of Personal Information in the Private Sector), კვებეკის სამოქალაქო კოდექსისა და კანადაში მოქმედი სხვა შესაბამისი საკანონმდებლო აქტების სრული დაცვით.

2. შეგროვებული პერსონალური ინფორმაციის კატეგორიები
თქვენს მიერ წარმოდგენილი განაცხადისა და მოთხოვნილი მომსახურების ხასიათის შესაბამისად, ჩვენ შესაძლოა შევაგროვოთ შემდეგი კატეგორიის პერსონალური ინფორმაცია.

საიდენტიფიკაციო ინფორმაცია
– სახელი და გვარი;
– საფოსტო მისამართი;
– ელექტრონული ფოსტის მისამართი;
– ტელეფონის ნომერი.

ადმინისტრაციული ინფორმაცია
– სასურველი ენა;
– მოთხოვნილი პროგრამის ტიპი;
– ანგარიშსწორებისთვის საჭირო ინფორმაცია;
– პროგრამაში მონაწილეობის შესახებ ცნობისა ან პროგრამის დასრულების დამადასტურებელი სერტიფიკატის გაცემისთვის აუცილებელი ინფორმაცია.

საქმესთან დაკავშირებული ინფორმაცია
თქვენი გარემოებების მიხედვით, შეგიძლიათ მოგვაწოდოთ ინფორმაცია, რომელიც უკავშირდება:
– სასამართლოს გადაწყვეტილებას;
– ადვოკატის მიმართვას;
– პრობაციის ოფიცრის მიმართვას;
– სხვა სახელმწიფო ორგანოს ან საზოგადოებრივი ორგანიზაციის მიმართვას;
– ნებისმიერ სხვა ინფორმაციას, რომელიც მიზანშეწონილია ჩვენი მომსახურების სათანადოდ გასაწევად.

თქვენს მიერ ნებაყოფლობით მოწოდებული ინფორმაციის ნაწილი შესაძლოა წარმოადგენდეს განსაკუთრებული სენსიტიურობის მქონე პერსონალურ ინფორმაციას – კერძოდ, თუ ის უკავშირდება თქვენს სამართლებრივ მდგომარეობას, ჯანმრთელობას ან სხვა მაღალი ხარისხის კონფიდენციალურობის საკითხებს.

ჩვენ ვაგროვებთ მხოლოდ იმ პერსონალურ ინფორმაციას, რომელიც გონივრულად აუცილებელია ამ კონფიდენციალურობის პოლიტიკაში განსაზღვრული მიზნების შესასრულებლად.

3. პერსონალური ინფორმაციის შეგროვების საშუალებები
პერსონალური ინფორმაცია შესაძლოა შეგროვდეს შემდეგი გზებით:
– ვებგვერდზე რეგისტრაციისას;
– ონლაინ ფორმების შევსებისას;
– ელექტრონული ფოსტით ან სატელეფონო კომუნიკაციისას;
– მომსახურების საფასურის გადახდისას;
– პროგრამის ფარგლებში ჩატარებულ სასწავლო სესიებში მონაწილეობისას;
– დოკუმენტების ან სხვა ინფორმაციის წარმოდგენისას.

ვებგვერდის მონახულებისას შესაძლოა ავტომატურად შეგროვდეს გარკვეული ტექნიკური ინფორმაცია, მათ შორის:
– IP მისამართი;
– ბრაუზერის ტიპი;
– მონახულებული გვერდები;
– ვიზიტის თარიღი და დრო;
– სხვა ტექნიკური მონაცემები, რომელიც აუცილებელია ვებგვერდის გამართული და უსაფრთხო ფუნქციონირებისთვის.

ჩვენ არ ვიყენებთ ავტომატიზებულ პროფილირებას კომერციული მიზნებისთვის.

ჩვენ არ ვიღებთ გადაწყვეტილებებს, რომლებიც სამართლებრივ ან სხვა მსგავსი მნიშვნელობის შედეგებს იწვევს მხოლოდ პერსონალური ინფორმაციის ავტომატიზებული დამუშავების საფუძველზე.

4. პერსონალური ინფორმაციის შეგროვების მიზნები
პერსონალური ინფორმაცია გროვდება შემდეგი მიზნებისთვის:
– რეგისტრაციის დამუშავება;
– მონაწილესთან კომუნიკაცია;
– შეხვედრებისა და სასწავლო სესიების დაგეგმვა;
– სიბრაზის მართვის პროგრამის განხორციელება;
– მონაწილის საქმის ადმინისტრირება;
– საჭიროების შემთხვევაში პროგრამაში მონაწილეობის შესახებ ცნობის ან დასრულების სერტიფიკატის გაცემა;
– გადახდების დამუშავება;
– კანონით გათვალისწინებულ შემთხვევებში სასამართლოს ან სხვა უფლებამოსილი ორგანოს მოთხოვნაზე რეაგირება;
– ჩვენი სამართლებრივი, მარეგულირებელი და პროფესიული ვალდებულებების შესრულება.

პერსონალური ინფორმაცია არ გამოიყენება წინამდებარე პოლიტიკით გათვალისწინებელი მიზნების შეუსაბამოდ.

5. თანხმობა
კანონით გათვალისწინებულ შემთხვევებში, ჩვენ ვიღებთ მონაწილის მკაფიო, ინფორმირებულ, კონკრეტულ და ნებაყოფლობით გამოხატულ თანხმობას.

ცალკეულ, კანონით განსაზღვრულ შემთხვევებში, ჩვენ შეიძლება შევაგროვოთ, გამოვიყენოთ ან გავამჟღავნოთ პერსონალური ინფორმაცია მონაწილის თანხმობის გარეშე, თუ ეს ნებადართული ან სავალდებულოა მოქმედი კანონმდებლობით.

მონაწილეს, სადაც ეს შესაძლებელია, უფლება აქვს ნებისმიერ დროს გამოიხმოს თანხმობა, კანონმდებლობით ან ხელშეკრულებით გათვალისწინებული შეზღუდვებისა და წინასწარი გონივრული შეტყობინების პირობის დაცვით.

6. პერსონალური ინფორმაციის გამჟღავნება
ჩვენ არ ვყიდით თქვენს პერსონალურ ინფორმაციას.

ჩვენ არ ვუზიარებთ თქვენს პერსონალურ ინფორმაციას მესამე პირებს სარეკლამო ან მარკეტინგული მიზნებისთვის.

საჭიროების შემთხვევაში, პერსონალური ინფორმაცია შესაძლოა გადაეცეს შემდეგ სუბიექტებს:
– ტექნოლოგიური მომსახურების მიმწოდებლებს;
– ჩვენი ვებგვერდის ჰოსტინგის მომსახურების მიმწოდებელს;
– გადახდების დამუშავების მომსახურების მიმწოდებლებს;
– ვიდეოკონფერენციის მომსახურების მიმწოდებლებს;
– ჩვენს ბუღალტერს;
– საინფორმაციო ტექნოლოგიების (IT) მომსახურების მიმწოდებლებს;
– სასამართლოებს ან სახელმწიფო ორგანოებს, როდესაც ამას კანონი მოითხოვს;
– თქვენი თანხმობით სხვა პირებს ან ორგანიზაციებს;
– ნებისმიერ სხვა პირს ან ორგანიზაციას, როდესაც ინფორმაციის გამჟღავნება ნებადართულია ან სავალდებულოა მოქმედი კანონმდებლობით.

ჩვენი სახელით პერსონალური ინფორმაციის დამამუშავებელი ყველა მომსახურების მიმწოდებელი ვალდებულია დაიცვას ინფორმაციის უსაფრთხოებისა და კონფიდენციალურობის შესაბამისი სტანდარტები.

6.1 სასამართლოს მიერ მიმართული მონაწილეები
ზოგიერთი მონაწილე სიბრაზის მართვის პროგრამაში მონაწილეობს შემდეგი საფუძვლებით:
– სასამართლოს გადაწყვეტილება;
– სასამართლოს რეკომენდაცია;
– ადვოკატის მიმართვა;
– პრობაციის ოფიცრის მიმართვა;
– სხვა სახელმწიფო ორგანო ან საზოგადოებრივი ორგანიზაციის მიმართვა.

კონფიდენციალურობის ერთნაირი სტანდარტი ვრცელდება ყველა მონაწილეზე.

თუ ამას ითვალისწინებს კანონი, სასამართლოს გადაწყვეტილება ან მონაწილის წერილობითი თანხმობა, შეიძლება გავამჟღავნოთ ინფორმაცია, რომელიც აუცილებელია მიმართვის მიზნის შესასრულებლად, მათ შორის:
– პროგრამაში რეგისტრაციის დადასტურება;
– დასწრების ჩანაწერები;
– ინფორმაცია პროგრამის პროგრესის შესახებ;
– პროგრამის წარმატებით ან წარუმატებლად დასრულების ფაქტი;
– სერტიფიკატის გაცემის ფაქტი;
– ნებისმიერი სხვა ინფორმაცია, რომელსაც კონკრეტულად მოითხოვს სასამართლო ან სხვა უფლებამოსილი ორგანო.

პროგრამის ფარგლებში გამოხატული პირადი მოსაზრებების, სავარჯიშოების და კომუნიკაციის შინაარსი კონფიდენციალურია, გარდა კანონმდებლობით გათვალისწინებული შემთხვევებისა.

ინფორმაციის ნებისმიერი გამჟღავნება შემოიფარგლება მხოლოდ იმ მოცულობით, რომელიც გონივრულად აუცილებელია შესაბამისი სამართლებრივი ან ადმინისტრაციული მიზნის მისაღწევად.

6.2 კანონით გათვალისწინებული გამონაკლისები
კონფიდენციალურობა შეიძლება შეიზღუდოს იმ შემთხვევებში, როდესაც ინფორმაციის გამჟღავნება ნებადართულია ან სავალდებულოა კანონმდებლობით, კერძოდ:
– სასამართლოს გადაწყვეტილების საფუძველზე;
– როდესაც ინფორმაციის გამჟღავნება კანონმდებლობით არის მოთხოვნილი;
– როდესაც არსებობს იდენტიფიცირებადი პირის ან პირთა ჯგუფის სიცოცხლის ან ჯანმრთელობისთვის სერიოზული საფრთხე;
– როდესაც შეტყობინების ვალდებულებას ითვალისწინებს მოქმედი კანონმდებლობა, მათ შორის ბავშვთა ან მოწყვლადი პირების დაცვის შესახებ კანონები.

ყველა შემთხვევაში გამჟღავნდება მხოლოდ ის პერსონალური ინფორმაცია, რომელიც აუცილებელია შესაბამისი სამართლებრივი მიზნის შესასრულებლად.

7. პერსონალური ინფორმაციის შენახვა
პერსონალური ინფორმაცია ინახება მხოლოდ იმ ვადით, რომელიც აუცილებელია მისი შეგროვების მიზნების მისაღწევად, ან მოქმედი კანონმდებლობით დადგენილი ვადით.

შენახვის საჭიროების გაქრობისთანავე, პერსონალური ინფორმაცია უსაფრთხოდ ნადგურდება ან ანონიმიზდება ჩვენი შიდა რეგლამენტისა და მოქმედი კანონმდებლობის მოთხოვნების შესაბამისად.

8. უსაფრთხოების ზომები
ჩვენ ვიყენებთ გონივრულ ადმინისტრაციულ, ფიზიკურ და ტექნოლოგიურ უსაფრთხოების ზომებს, რომლებიც შეესაბამება ჩვენს ხელთ არსებული პერსონალური ინფორმაციის სენსიტიურობის დონეს, მათ შორის:
– წვდომის შეზღუდვა მხოლოდ უფლებამოსილი პირებისთვის;
– პაროლით დაცული სისტემები;
– აუცილებლობის შემთხვევაში კომუნიკაციის დაშიფვრა;
– ქსელური უსაფრთხოების ეკრანები (Firewall);
– უსაფრთხოების პროგრამული უზრუნველყოფა;
– უსაფრთხო სარეზერვო ასლების შექმნა;
– დოკუმენტებისა და ჩანაწერების უსაფრთხო განადგურება.

მიუხედავად იმისა, რომ ჩვენ ვიღებთ ყველა გონივრულ ზომას პერსონალური ინფორმაციის დასაცავად, ინფორმაციის ელექტრონული გადაცემისა და შენახვის არც ერთი მეთოდი არ იძლევა აბსოლუტური უსაფრთხოების გარანტიას.

9. ქუქი-ფაილები (Cookies)
ჩვენი ვებგვერდი იყენებს ქუქი-ფაილებს, რომლებიც აუცილებელია მისი გამართული ფუნქციონირებისთვის.

ვებგვერდის ფუნქციონალის მიხედვით, შესაძლოა ასევე გამოვიყენოთ ქუქი-ფაილები შემდეგი მიზნებისთვის:
– ვებგვერდით სარგებლობის გამოცდილების გაუმჯობესება;
– მომხმარებლის პარამეტრების დამახსოვრება;
– ვებგვერდით სარგებლობის სტატისტიკის შექმნა.

კანონმდებლობით გათვალისწინებულ შემთხვევებში, თქვენ შეგიძლიათ დაეთანხმოთ ან უარი თქვათ არასავალდებულო ქუქი-ფაილების გამოყენებაზე ჩვენი ქუქი-ფაილების თანხმობის მართვის სისტემის მეშვეობით.

10. პერსონალური ინფორმაციის კვებეკის ფარგლებს გარეთ გადაცემა
ჩვენმა ცალკეულმა მომსახურების მიმწოდებელმა შესაძლოა დაამუშაოს ან შეინახოს პერსონალური ინფორმაცია კვებეკის ან კანადის ფარგლებს გარეთ.

მოქმედი კანონმდებლობის მოთხოვნის შემთხვევაში, კვებეკის ფარგლებს გარეთ პერსონალური ინფორმაციის გადაცემამდე ვატარებთ კონფიდენციალურობაზე ზემოქმედების შეფასებას (Privacy Impact Assessment) და ვიღებთ ყველა გონივრულ ზომას, რათა უზრუნველყოფილი იყოს ინფორმაციის დაცვის ისეთი დონე, რომელიც შეესაბამება მოქმედი კონფიდენციალურობის კანონმდებლობის მოთხოვნებს.

11. მონაწილის უფლებები
მოქმედი კანონმდებლობის შესაბამისად, თქვენ გაქვთ უფლება:
– მოითხოვოთ წვდომა თქვენს პერსონალურ ინფორმაციაზე;
– მოითხოვოთ არაზუსტი ან არასრული პერსონალური ინფორმაციის შესწორება;
– გამოიხმოთ თქვენი თანხმობა, თუ იგი მონაცემთა დამუშავების სამართლებრივ საფუძველს წარმოადგენს;
– კანონით გათვალისწინებულ შემთხვევებში მოითხოვოთ გარკვეული პერსონალური ინფორმაციის გადაცემის შეწყვეტა;
– წარადგინოთ საჩივარი თქვენი პერსონალური ინფორმაციის დამუშავებასთან დაკავშირებით.

ჩვენ განვიხილავთ და ვუპასუხებთ თქვენს მოთხოვნას მოქმედი კანონმდებლობით დადგენილ ვადებში.

თუ მიიჩნევთ, რომ თქვენი კონფიდენციალურობის უფლებები დაირღვა, ასევე შეგიძლიათ მიმართოთ საჩივრით კვებეკის ინფორმაციის ხელმისაწვდომობის კომისიას (Commission d’accès à l’information du Québec).

12. კონფიდენციალურობის ინციდენტები
სერიოზული ზიანის რისკის შემცველი კონფიდენციალურობის ინციდენტის შემთხვევაში, ჩვენ მივიღებთ მოქმედი კანონმდებლობით გათვალისწინებულ ყველა აუცილებელ ზომას, მათ შორის:
– გონივრულ ზომებს ზიანის რისკის შესამცირებლად;
– დაზარალებული პირების ინფორმირებას, კანონმდებლობით მოთხოვნის შემთხვევაში;
– კვებეკის ინფორმაციის ხელმისაწვდომობის კომისიის (Commission d’accès à l’information du Québec) ინფორმირებას, კანონმდებლობით მოთხოვნის შემთხვევაში;
– კონფიდენციალურობის ინციდენტების რეესტრის წარმოებას კანონით დადგენილი წესით.

13. არასრულწლოვანი პირები
ჩვენი მომსახურება ძირითადად განკუთვნილია 18 წლის და უფროსი ასაკის პირებისთვის.

თუ მომსახურება მიეწოდება არასრულწლოვანს, მისი პერსონალური ინფორმაცია შეგროვდება და დამუშავდება მოქმედი კანონმდებლობის შესაბამისად და, საჭიროების შემთხვევაში, მშობლის, კანონიერი მეურვის ან სხვა უფლებამოსილი წარმომადგენლის თანხმობით.

14. პერსონალური ინფორმაციის დაცვაზე პასუხისმგებელი პირი
მოქმედი კონფიდენციალურობის კანონმდებლობის შესაბამისად, პერსონალური ინფორმაციის დაცვაზე პასუხისმგებელი პირი, რომელიც ზედამხედველობს ჩვენს კონფიდენციალურობის პრაქტიკას, არის:
ნინა ტერ-სააკოვა
ელ-ფოსტა: info@anger-management.ca

15. ბმულები მესამე პირების ვებგვერდებზე
ჩვენს ვებგვერდზე შესაძლოა განთავსებული იყოს ბმულები მესამე პირების მიერ მართულ ვებგვერდებზე.

ჩვენ არ ვაგებთ პასუხს ამ ვებგვერდების კონფიდენციალურობის პოლიტიკასა და შინაარსზე. გირჩევთ, ნებისმიერი პერსონალური ინფორმაციის მიწოდებამდე გაეცნოთ მათ კონფიდენციალურობის პოლიტიკას.

16. ცვლილებები კონფიდენციალურობის პოლიტიკაში
ჩვენ უფლებას ვიტოვებთ პერიოდულად განვაახლოთ ეს კონფიდენციალურობის პოლიტიკა, ჩვენს საქმიანობაში, გამოყენებულ ტექნოლოგიებში ან სამართლებრივ ვალდებულებებში მომხდარი ცვლილებების ასახვის მიზნით.

პოლიტიკის უახლესი ვერსია ყოველთვის ხელმისაწვდომი იქნება ჩვენს ვებგვერდზე და მასში მითითებული იქნება ძალაში შესვლის თარიღი და ბოლო განახლების თარიღი.

17. ენობრივი ვერსიები
წინამდებარე კონფიდენციალურობის პოლიტიკა გამოქვეყნებულია ინგლისურ და ფრანგულ ენებზე, რომლებიც წარმოადგენს დოკუმენტის ოფიციალურ ვერსიებს. სხვა ენებზე შესრულებული თარგმანები მოწოდებულია საინფორმაციო მიზნით.

ინგლისურ, ფრანგულ და თარგმნილ ვერსიებს შორის შეუსაბამობის, განსხვავების ან წინააღმდეგობის შემთხვევაში, უპირატესობა ენიჭება ინგლისურ და ფრანგულ ოფიციალურ ვერსიებს. ინგლისურ და ფრანგულ ვერსიებს შორის განსხვავების შემთხვევაში, უპირატესი და სავალდებულო იქნება ფრანგული ვერსია, გარდა მოქმედი კანონმდებლობით გათვალისწინებული საწინააღმდეგო შემთხვევებისა.

18. უკუკავშირი
წინამდებარე კონფიდენციალურობის პოლიტიკასთან ან პერსონალური ინფორმაციის დამუშავებასთან დაკავშირებული შეკითხვების არსებობის შემთხვევაში, გთხოვთ, დაუკავშირდეთ:
ნინა ტერ-სააკოვას
ელფოსტა: info@anger-management.ca